గాలిబ్: విశ్వాసము - ప్రేయసీ

दिले नादाँ तुझे हुआ क्या है

आखिर इस दर्द की दवा क्या है

हम को उनसे वफ़ा की है उम्मीद

जो नहीं जानते वफ़ा क्या है.

ఏమైందో నీకు, మాయలెరుగని ఓ మనసా

నీ ఆవేదనకిక మందే లేదా?

విశ్వాసమంటే ఎరుగని వారిని

విశ్వసించడమే నీ గోస

नुकतह-चीं है, ग़म-ए दिल उस को सुनाए न बने
कया बने बात जहां बात बनाए न बने

దోషమెంచడమే ఆమె పని, మనోవ్యథ వినిపించుకోదెంత చెప్పినా
ఆశలు నెరవేరేదెట్లో అచట ఫలితం శూన్యం హృదినెంత విప్పినా

इशक़ पर ज़ोर नहीं है यह वह आतिश ग़ालिब
कि लगाए न लगे और बुझाए न बने

ప్రేమపై అధికారమొప్పదు, ప్రేమ నిప్పు లాంటిది
రగిలిస్తే రగలనిది, రగిలితే మరి ఆరిపోనిది

{191,2}

मैं बुलाता तो हूं उस को मगर अय जज़बह-ए दिल
उस पह बन जाए कुछ ऐसी कि बिन आए न बने

నా పిలుపు ఎపుడూ ఆమెకోసమే, అయినా ఓ అనురాగవీచిక!

పారాలి ఆమెపై మాయేదో, అయ్యేను తప్పని అభిసారిక

ग़ैर फिरता है लिये यूं तिरे ख़त को कि अगर
कोई पूछे कि यह कया है तो छुपाए न बने

తిరిగేరు పట్టుకుని నీ ఉత్తరం పరులు

అదేమనడిగితే దాచలేరు మరులు

इस नज़ाकत का बुरा हो वह भले हैं तो कया
हाथ आवें तो उंहें हाथ लगाए न बने

ఆమె లావణ్యం ఆమెకే చెల్లు, ఆమె సౌశీల్యం వల్ల మాకేమి ఒరుగు

ప్రేయసి మా చేతచిక్కినా, సంగమభాగ్యమెలా కలుగు?

అన్నా హజారే పంతం

అన్నా హజారే పంతం
అవినీతిని చేయునా అంతం ?
అంతం కాదిది ఆరంభం
పౌరసమాజపు సంరంభం
ఒకటయింది శోషిత దేశం
పెరిగింది క్రోధావేశం
మన్మోహనుడైతే ఏమి
సోనియా ఐతే ఏమి
అంతా కుంభకోణమయం
అంటింది అందరికీ గోమయం
కల్మాడి రాజా రాడియా
దొంగల పాలయింది ఇండియా
సచ్చీలతే మన్మోహన గర్వం
నీ మౌనమే ముంచింది సర్వం
గట్టి నాయకుడు లేని ఈ రాజ్యం
అయింది గజ దొంగలకు భోజ్యం
జాతి శత్రువుల పట్ల నీ చోద్యం
దేశమయ్యింది ఉగ్రవాదులకు సేద్యం
అమాత్యులు చేసేది దోపిడీ
నీ సచివులు చేసేది గారడీ
పార్టీకి ముఖ్యం రాబడి
నీ పాలనంత ఒక ప్యారడి
పైనుంచే పారు సద్గుణ ఝరీ
తలయందే కుళ్ళును చేప మరీ
న్యాయకోవిదులే కొంత ఊరట
లోక్ పాల్ బిల్లే మనకు బాసట

శ్రీఖర ఉగాది

కాలశకలమే ఈ శ్రీఖరం

కాలానికి కాదు శ్రీకారం

కాలము నిర్ణయించే నియంత

కాలము జయించు జగమంత

కాలమే అందరి విధాత

కాలమే విశ్వ ప్రదాత

కాలమెరుగదు ఆద్యంతం

కాలమానం మర్త్యుల రాద్ధాంతం

కాలగర్భం నుండే జనించు ప్రభవ

కాలవలయంనుండే వెలువడు విభవ

కాలజనితం ప్రజోత్పత్తి

కాలవిహితమే విరోధి, వికృతి

కాలమే తెచ్చు వసంతం

కాలమే యిచ్చు హేమంతం

కాలపరాయణం సౌరమండలం

కాలప్రబోధితం మనోమండనం

కాలమే పెద్ద ఓదార్పు

కాలమే నేర్పు ఓర్పు

కాలమే తెస్తుంది మార్పు

కాలమే చిట్టచివరి తీర్పు

ప్రేయసీ-ప్రతీక్ష

ये न थी हमारी क़िस्मत के विसाल-ए-यार होता !
अगर और जीते रहते यही इन्तिज़ार होता !!



ప్రేయసీసంగమసౌభాగ్యం మాకెపుడూ కలగకపాయె
ఇంకా బ్రతికియున్నా ఈ ప్రతీక్షే మిగిలేదాయె
___గాలిబ్